2016年7月18日 星期一

19.34 東京拉拉雜雜 ~ 東雲Autobacs、上野、池袋、両國

相信在香港有車的朋友都很想為自己的愛車扮靚, 將之扮得靚靚仔仔, 與眾不同, 但是要為這個"老婆"扮靚也頗為傷腦筋, 因為香港供應我們叫做"汽車補品"的店舖很少, 只在旺角或者深水埗叫做比較多之外, 但是種類不多而且價錢也貴, 所以很多人到日本旅行順道想買些回來, 不過不知在何處有這樣的店舖, 因為坊間的旅遊書介紹的不多, 自從之前出了這篇"台場 東雲Autobacs ~ 汽車裝飾用品超級市場"的 post 之後, 持續著每天都有為數不少的瀏覽人次, 更發現在網上有幾個私家車車主的討論區將這篇拙作連結, 所以在我的熱門文章常常居於首位, 更有趣的是之前杜如風介紹東京時講到 Autobacs 那一晚, 發覺當晚的瀏覽人次突然多了很多, 現在這篇 post 已經拋離其他很多差不多達萬五人次.

二O一五年十一月十九日 (晴)

池袋.





台場東雲Autobacs






今次再來由於只是相隔了年多, 覺得沒有太多改變, 為免重覆長氣所以沒有再周圍影相, 只是待在這裡的等候室上上網, 無無聊聊地等了粒幾鐘, 不過今次在場內真的聽到廣東話, 以前是很少聽到的.


上野


每次到上野都會到百果園吃一串一百円的菠蘿.


晚上回池袋 Pepper Lunch 晚飯, 中間遇到一件啼笑皆非的事, 話說有一個特別優惠是套餐加幾百円可將白飯轉炒飯, 這些在香港茶餐廳見怪不怪, 一般都會順暢地完成沒有問題, 不過在這餐飯竟然擾攘了多時, 來了牛扒沒有轉炒飯與職員說了拿走的是牛扒給你一碟炒飯, 再說連牛扒也拿走, 最好笑的是與多個不同的人員溝通, 有日本人的日文, 南亞裔的英文, 還有講普通話的中國人, 但始終不明白我們要甚麼, 最後拿出餐牌逐個圖說我們要這些這些, 到後來更正了但食物已經凍了, 吹脹 ! 說明在日本吃東西不能像香港茶餐廳那麼樣左改右改, 因為他們真的不懂轉膊的.






二O一五年十一月二十日 (晴)

早上收拾行李預備退房因為今晚會住在成田機場方便明早早機.


初時以為將行李寄存在池袋晚上回來拿跟著坐機場巴士出機場, 怎知原來池袋的巴士七時後已經停止, 唯有携行李出上野放在 locker 晚上坐京成電鉄到機場.

上野 JR站.





然後在站內的 Hard Rock Cafe 早餐.





晚上約了女兒在両國晚飯.



上次來両國時很想在這裡吃相撲火鍋, 不過覺得多些人吃會吃得種類多點.








餐廳內竟然有土俵.








19.33 品川 ~ Nikon Museum


19.35 東京再見, 我會回來的 !






17 則留言:

  1. 你唔講都唔知原來香港有咁多 "愛車"之人 !

    回覆刪除
    回覆
    1. 香港好多愛車之人,淨係喺街見到好多車黐晒唔同既貼紙已經好小事,更多係將架車改到同出廠時大不同,務求同其他車唔同 :D

      刪除
  2. 日本車確實有大量唔同牌子改裝配件, 有車之人去日本都會買番日本出嘅補品或原裝配件回港, 價錢平過香港好多. 不過歐洲車又想唔到喺日本有乜配件可買, 可能出車前已經 config 好哂.
    朋友昨天係大加拿出左部 2017 年款病鼠 AMG CLA45, 二千cc 車有成差不多 380匹馬力, 都應該唔駛再改裝 :D 可恨是只係6萬零加幤, 等於港銀約40萬

    回覆刪除
    回覆
    1. 香港淨係首次登記税人地其他國家已經可以買多一架咯,由後日開始又話要係咁抄牌都唔係唔頭痕,雖然我都奉公守法泊入停車場,不過有時都會偷吓雞 :P

      刪除
    2. 日本車喺 Autobacs 既補品多到嚇死,尾翼,雨擋乜都應有盡有,總之可以將部車整到有幾靚仔得幾靚仔。
      買得歐洲車當然係樣樣都返原廠訂,日本補品唔啱既 :))

      刪除
  3. 舊年我有在Hard Rock Cafe食早餐~我覺得早餐有D伏..LOL

    回覆刪除
    回覆
    1. 又唔係好覺,可能只要係西式早餐我就冇問題 :D

      刪除
  4. Hard Rock 另我諗起著褲城的純真傳說。

    回覆刪除
    回覆
    1. 我就會諗起尖咀嗰間。

      刪除
    2. 割褲繩純真就真係傳説啦 :D

      刪除
    3. 完全唔記得「純真傳説」首歌係點 :P

      刪除
    4. 只係記得佢比人捉黃腳雞 :P

      刪除
    5. 捉黃腳雞我浄係記得何守信 :))

      刪除
  5. 廿幾年前都有成十幾件唔同城市硬石Tee, 可惜經營沒有突破就會續漸收縮

    回覆刪除
    回覆
    1. 記得嗰時 Hard Rock 好多 live show,當時覺得好似好高級好潮都唔敢去食野。

      刪除
  6. 我喺日本飲咗杯似係用花茶沖出來的凍0T
    又試過杯茶係用正常的英式紅茶但配蜜糖的 (+﹏+)

    回覆刪除
    回覆
    1. 我都唔知點解日本人唔識變通就唔好搞呢類轉乜轉物出黎麻煩啲伙記。

      刪除