2018年5月17日 星期四

25.3 群馬 ~ 草津湯畑

草津
二O一八年三月二十四日 (晴) 續

本來預算第二天早餐後便離開輕井沢去草津, 遊罷可能還有時間前往野猿公苑, 但是購物的魔力實在無敵, 結果差不多一時半才正式起行.



遠景還有雪山.



中途又停了一會, 上次也在這裡停過, 不過今天店舖尚在閉鎖中.




雪山就在眼前.




淺間山.


本來行程中想到上次吃閉門羹的鬼押出し園, 但時間實在不夠.

到達草津, 在湯畑附近兜圈子找泊車位找了很久都沒有, 有些想放棄就只我下車影幾張相片便算, 幸好後來找到私人小型停車場.


草津湯畑.








那天是星期六遊人多得很, 之前就是開車在這裡穿插找停車場, 車輛經過就如摩西過紅海人群自動讓出一條路, 但坐在車上便害怕會揩到行人, 所以要很小心慢慢行.






浸足湯的地方好像星期日香港茶樓要等位, 女兒和老公浸完後頻說很滑很滑, 但我覺得不外如是.





只在湯畑周圍行了一圈沒有再去其他地方因為已經沒有時間.




差不多三時半才吃午餐, 初時以為這時候吃了晚餐會不會吃不下, 原來當晚差點連晚餐也趕不上.




離開草津當時是四時許, 網上表示經國道292車程只是一小時之內, 時間絕對充裕, 預計能夠在晚餐前到達, 怎知最後是人算不如天算, 那天的行程全亂了.


25.2 輕井沢 ~ 1st 放血 @ Prince Mall


25.4 地獄谷野猿公苑 ~ 甩繩馬騮通山走


24 則留言:

  1. 草津只去過一次,差唔多係10年前,仲未有機會翻炒,不過宜家好似都越嚟越多人去,真係好怕好多人

    回覆刪除
    回覆
    1. 嗰日可能係星期六超多人,不過好彩強國同香港人唔多,最初諗住草津住一晚,叔仔去過話如果唔浸溫泉既話無需住因為冇乜地方行。

      刪除
    2. 印象中10年前基本上見到都係日本人,當時仲未多香港/台灣人認識草津依個地方
      都係架,如果唔浸溫泉的話無謂住一晚,而且草津大多數都係溫泉酒店/旅館

      刪除
    3. 所以雖然人多但係冇置身旺角既感覺 :D

      刪除
  2. 我覺得浸完皮膚真係滑左好多﹗

    回覆刪除
    回覆
    1. 哈哈,可能我啲皮膚太"鞋"浸極都唔會滑XD

      刪除
  3. o no! 好多人呀喂...草津都已經拎左超過十年百選溫泉第一啦,快d上神檯唔再好選啦,佢唔選d人就會忘記佢少D人去lol (因為我未去但又怕去人多地方lol)
    上次連續十年第一的古牧溫泉都上左神檯唔選 > 然後宜家d人已經唔識佢XD

    回覆刪除
    回覆
    1. 我唔知原來草津個朵咁勁唔怪得咁多人,純粹係覺得個湯畑特別又咁啱順路去睇吓 \O/

      刪除
    2. 咁比箱根好啲,我上年去都仲幾好行,無乜見同胞,大叫嘅香港人就大把!

      刪除
    3. 箱根淪陷咗咯乜種族都有,我去箱根時度度塞車好似星期日去西貢一樣 >_<!

      刪除
    4. 箱根應該十廿幾年前已經淪陷咗,我記得當年前跟旅行團箱根已經好多旅行團...
      當年東京團箱根幾乎必去...

      刪除
    5. 箱根係初次去日本既必定要去景點,所以我第一次都有帶住佢地兩父女去。

      刪除
  4. 請問條路易揸嘛?我想冬天去多次。

    回覆刪除
    回覆
    1. 如果由輕井沢去都幾好揸,不過冬天有雪唔知會唔會封路,因為我呢個時候去有啲路附近仲有雪。

      刪除
    2. 我舊年去都係見香港人多。箱根就連搵個車位都難。

      刪除
    3. 可能喺草津只係逗留好短時間, 反而冇乜聽到廣東話同刨冬瓜.
      今次喺箱根好幾個地方因為搵唔到車位連車都冇停.

      刪除
  5. 點解架車揸咗成日有雪都咁乾淨咁嘅, 我揸就會變成泥鴨

    回覆刪除
    回覆
    1. 你知唔知有人會喺香港帶條舊毛巾去日本專門用黎抹車,開車前總會抹吓,然後三日一大抹,上次就係喺停車場有阿伯同我地講話架車好靚 :D

      刪除
    2. 唔係化😱 有無帶埋枝洗軨水😃

      刪除
    3. 所以好多時啲人好奇怪明明係租車點解有人會落力咁抹😂

      刪除
    4. 如果租嘅日子長的話,間中都會抺下,主要係車頭擋風玻璃,因為有時會有好多雀屎,影響視線,D雀屎乾咗好鬼難抺,車身就由得佢了

      刪除
    5. 日本揸車成日都鬼咁多雀屎, 每次停車都要抹車頭玻璃, 有塊濕毛巾好抹好多.
      自從有次落大雪架車變咗泥鴨要周圍搵洗車之後就自己帶毛巾, 好多道之駅都會有樽有水俾人抹車加水所以好方便.

      刪除
    6. 嘻嘻,大小姐老公係咪有潔辟狂😵我只會夜晚曾經落過雪後早上用個雪掃掃完就乾淨哂😆

      刪除
    7. 佢好唔鍾意啲車污糟,喺香港如果落雨用完車都一定要將架車抹乾至得,我同個女成日都話落雨去街冇車坐😩

      刪除