2014年3月1日 星期六

16.18 尋回失落的阿蘇


二O一三年十一月六日 ~ 第十日 (晴) 續

今次九州之旅, 福岡必須一定要重複外, 基本上沒有地方是重複除了阿蘇, 不過也可以說不是重來, 因為 2007年根本沒有上去, 聽太多人說過與阿蘇一定要因緣際會, 如果沒有緣就是到達始終都會緣慳一面, 上次就是只到達 纜車站 便止步.

離開高千穗峽前往阿蘇, 車程預計一個半小時, 到達阿蘇已經差不多四時, 天開始暗, 本來打算明早才上山, 不過想想可能有甚麼事預計不到, 只要閘口給我們通過就會上去, 明天再來一次也沒問題, 反正今晚就住在山腳, 原來這決定是正確得不得了, 因為第二天大霧得連草千里都去不到.

前往阿蘇山的途中


纜車站, 上次就是到此為止

纜車, 雖然已經四時許, 上山的人還是絡繹不絕

前往火口


山上的纜車站

阿蘇火口週邊

避難壕 

火口
終於到達火口, 雖然當時寒風凜烈, 溫度只有十二度左右, 還是有點捨不得離開, 始終沒法知道再有沒有機會看多一次.

火口, 看有些圖片底部會有火, 不過有火的時候可能已經封山







開始入夜的山景, 喜歡這種山勢



警察派出所
竟然見到一架掃帚佬拉力落場版 ::_343 , 和家裡的模型差不多一模一樣, 車牌還要三個 5, 有意無意等等車主回來, 原來是一個年紀不是很大的大叔, 揸得很斯文, 絕對見不到掃帚佬應有的霸道氣勢, 可能這車已經七癆八傷 ::_1576





威爾斯拉力

家裡的收藏, 蒙地卡羅拉力


離開阿蘇也不在草千里逗留, 因為要找另一喜歡的地方 ~ 米塚.


從草千里附近望去的米塚, 已經變了朱古力布甸, 但心願是要很近很近的看.



終於找到可以很近很近地看, 可惜天色越來越暗, 決定明天一定要來多一次, 可以再行近些





晚上就住在宮地, 也是一個頗為荒蕪的地方, 本來已經在書上找到一食事處, 但到達時一個客人也沒有好像要打烊的樣子, 幸好在附近找到這間叫 Joyfull 的餐廳, 價錢不太貴還要24小時服務, 原來這餐廳很多地方都有連鎖店, 大多在公路旁邊.





很多時就是人算不如天算, 原本第二天上多一次阿蘇, 未到草千里已經大霧籠罩, 視野矇矓.

這地方就是可以近距離見到米塚的地方

視線範圍很短, 想像再上也不會好




結果決定掉頭下山, 早點前往九重夢大橋.

16.17 峽谷。流水 ~ 高千穗峽





32 則留言:

  1. 當年去看米塚,只識在近距離看,即閘口旁邊。後來問懂拍照在日朋友,原來要高處zoom過去影先係正宗。:)

    回覆刪除
    回覆
    1. 當時係冇諗影相既問題, 只係想好近好近咁睇隻布甸 ::_2262

      刪除
  2. 掃帚佬拉力落場版,你屋企個模型唔係已經一模一樣喇咩 ? 你影三個5模型旁邊果架呢 ?
    我覺得遠睇果個米塚靚o的喎,因為頂部個凹位可以睇得清楚o的 ::ee5126

    回覆刪除
    回覆
    1. 三個5模型旁邊果架都係掃帚佬, 前排五架都係掃帚佬, 不過好似時期唔同o卦, 我屋企冇野多, 車仔就最多, 我唔敢掂架, 散咗費事搵唔番 ::_346
      個個都話遠景靚, 等我版頭換番張遠景啦, 如果唔係第二日咁大霧, 我真係好想行埋 d 去個米塚度.

      刪除
    2. 大小姐, 亞蘇火山都係揸車上去?

      刪除
    3. 係呀, 可以直接揸到上火口.

      刪除
  3. 真係好睇彩數.....終於上到去都戥你高興

    回覆刪除
    回覆
    1. 去旅行好多時都要睇彩數, 要配合天時地利, 因為我知道有人去咗兩次都去唔到火口.

      刪除
    2. "有人去咗兩次都去唔到火口", 嗰個咪係我囉!!

      刪除
    3. 不如你下次去阿蘇火山叫埋我啦, 睇下我啲黑氣勁啲定係你啲好運勁啲!! >:)

      刪除
    4. 哎呀~~我都諗住唔開名架,費事又勾起啲傷心野嘛.

      刪除
    5. 我都唔係好運架, 阿蘇話我貪心呀, 俾我睇左一次就唔好諗住再睇,第二朝連草千里都唔俾我去.

      刪除
    6. 好彩N年前去咗一次就上到去, 原來咁難先去到火山口!

      刪除
    7. 係呀, 好多人去一次未必上到火山口, 所以要去第二次.

      刪除
  4. 我果日個火山口無咁清楚, 好大煙, 只見到一大團煙, 仲好大風, 要成日走鬼添::vv4018
    米塚我又無想過要行埋多D去睇, 可能我時間太趕, 我只係觀景位影左影就算::cc4127

    回覆刪除
    回覆
    1. 好彩嗰日係凍不過唔大風, 可以企好耐唔駛走鬼,
      米塚唔知點解當時睇和豚媽媽個 post 已經好鍾意, 我係諗住睇吓行唔行到上去 :P

      刪除
    2. 大小姐有無睇過英國米塚?

      刪除
    3. 梗係"冇"啦, 咁得意既野我都係第一次見咋, 英國米塚喺邊度架 ?

      刪除
    4. http://en.wikipedia.org/wiki/Silbury_Hill

      刪除
    5. Thanks, 不過我始終覺得日本哩個得意啲.

      刪除
  5. 点解唔影埋個大叔黎睇睇,:p

    回覆刪除
    回覆
    1. 嘻嘻,唔好意思用架相機隊住人,有啲人唔鍾意嘅。

      刪除
  6. 大小姐,有無印象高處影米塚大約係邊個位?

    回覆刪除
    回覆
    1. コーさん,我 what's app 你。

      刪除
    2. 咁順便 whatsapp 埋我啦 :D

      刪除
    3. 你俾個號碼我咪whatsapp 埋你 ;))

      刪除
  7. 你睇到既朱古力布甸米塚和我睇到既茶末米塚各有各既味道噃。

    回覆刪除
    回覆
    1. 哈哈, 咁你鍾意食朱古力定抹茶? 或者試勻兩個 :))

      刪除
    2. 我鍾意食抹茶,朱古力太甜了。

      刪除
    3. 或者可以睇白色既牛奶布甸 :))

      刪除
  8. 大小姐影米塚個位置同我影果幅完全一樣

    回覆刪除