2015年3月18日 星期三

2015 一個人在途上 ~ 出走東北



因為有些事情在六月中要到東京一趟, 一場來到日本沒有理由辦完事即走, 但是由於計劃年尾會再去北海道的關係, 老公不想放假得這樣頻密, 加上要照顧茶々, 唯有只得我一個人去.

上次去東北剛好是五年前的夏天, 自從 311 後也很惦記著這地方, 所以計劃買張火車票游走東北一趟, 大概都是五天的時間, 剛好用盡五天 pass, 主要想去青森, 弘前, 地點參考蜻蜓的足跡, 不過不會跟她的行山散策, 因為害怕心有餘但力不足, 其他地方會參考旅遊書, 但由於在家的書已經是五年前, 所以托快閃大阪東京的朋友買下這本東北的書, 諷刺的是自己揀了一本家族旅行的書, 但偏偏今次是獨自一人, 就是由於一人的關係, 想去些熱鬧的地方, 太偏僻的地方不太適宜, 還有想去會津若松, 但不知最後有沒有時間.


自從結婚後已經沒有一人出遊的經驗, 除了 2008 年因為機票關係與老公和女兒分開飛之外都很久沒有試過一個人飛, 一個人住酒店, 所以也有點點不習慣; 機票方面目前還掙扎著選擇廉航還是傳統航空公司, 傳統航空公司的話不需要顧慮行李的問題, 但是廉航就如其名真的很平, 至於酒店想也是離不開 Super, Toyoko & Comfort.

這次旅行以節儉為原則, 在日元低迷的情況, 不計機票酒店 JR pass 和"鳩嗚", 希望每天費用維持於一萬円以下, 作為會計人的我相信可以 meet budget ::_342






144 則留言:

  1. 要去東京辦啲事 :-? 莫非係趁円低去掃平樓 ;)

    回覆刪除
    回覆
    1. 哈哈!豚媽俾你踢爆咗添,香港啲樓太貴買唔起改炒日本樓嘛 =))

      刪除
    2. 我都想買東京樓呀! 但都要過千萬円, 全數俾唔起呀~X(

      刪除
    3. 講係咁講,隔山買牛始終都制唔過 :P

      刪除
    4. 你可買個平D玩下, 我相信點都好過放銀行蝕

      刪除
    5. 不過我真係識得有人佢話喺大阪買咗樓,不過冇追問到佢詳情。

      刪除
  2. 你一條友想拉幾多kg野番黎啦....basic 20 + handcarry 7得自己一個人拉我已經覺得吃力~_~

    回覆刪除
    回覆
    1. 唉!手得一對,欲望無窮,睇怕要發揮埋個小宇宙至得 :))

      刪除
    2. 好簡單啫~ 去郵局寄船返黎啦~:))

      刪除
    3. 係喎,唔記得咗添,可以諗諗 :)

      刪除
  3. 哈哈, "快閃大阪東京的朋友"以後有排煩.... >:)
    我同你相反, 想去啲荒山野嶺, :b

    回覆刪除
    回覆
    1. 你就好啦!有快閃大阪東京的朋友幫你買まっぷる。

      不過你話comfort, toyoko, super都要快啲book,真係會滿。到時要住smoking room就唔開心。

      刪除
    2. 真係唔該晒"快閃大阪東京既朋友"

      刪除
    3. 蜻蜓,我諗下次佢快閃嗰陣好驚見到我地既 what's app,因為唔知又要買乜東東 >:)
      我唔會去荒山野嶺㗎,因為唔想轉九十幾轉車都未到目的地 :P

      刪除
    4. コーさん,睇埋今個星期啲機票先,訂咗機票就開始訂酒店,最 worst 咪住番青年旅舍,我係 life member 黎架 :)

      刪除
    5. 咦, 今次到我去喎....你地有無野要喺荒山野嶺買? >:)

      刪除
    6. 不如訂咗酒店先訂機票。酒店好緊張咁。

      刪除
    7. x 2
      我都習慣book左酒店先至買機票~始終機票要等arm價先買~
      酒店就愈遲愈貴

      刪除
    8. 蜻蜓我要買伊勢海老 :))

      刪除
    9. 嘩,你地個個講到啲酒店咁緊張,連我都緊張埋添,睇o下今個禮拜搞埋佢先 :P

      刪除
    10. 已經買咗雲哩拿千四蚊左右, 酒店訂得七七八八爭兩日, 因為仲未決定會去邊 8->

      刪除
    11. 你就好啦,我黐七一要二千五呀!仲要時間唔好。

      刪除
    12. 我呢啲五窮六絶時間冇人會爭咪平啲囉 :D

      刪除
    13. 雲哩拿未見有人撘過,等你返o黎的詳細報告 :D

      刪除
    14. 有人搭早過我㗎,我都係佢介紹 :)

      刪除
    15. 伊勢海老未到你手已經落晒我肚喇,hehe。。

      刪除
  4. 如果叫我自己一個人去, 應該只限東京SHOPPING, 我路盲黎, 去其他地方一定迷路::vv4087

    回覆刪除
    回覆
    1. 如果我一個人留喺東京,到時返香港啲行李不敢想像咯 :))
      平時去旅行全部都係我帶路,所以一定唔會盪失路既 :D

      刪除
    2. 唔會盪失路, 不過帶你遊花園啫, 哈哈!! >:)

      刪除
    3. 我唔係路盲,認路好叻架,不過係面盲,見過一兩次未必記得,所以成日俾人話唔識人 :D

      刪除
    4. 咁就死得,諗住你帶路轉過頭你唔認得我咁點算,哈哈!

      刪除
    5. 所以第二次同你食飯嗰陣都好驚唔認得你 :))

      刪除
    6. 我呢啲樣絕對係過目即忘啦,唔關係咪面盲事嘅,哈哈!

      刪除
    7. 唔係喎,我而家成日做唔同公司,到我認得晒啲人已經係時候講 bye bye :D

      刪除
  5. 一個人坐飛機我試過好多次,一個人去旅遊就只試過一次。
    但我對一個人旅遊無乜興趣,原因是開心既時候好想即時有人可以一齊分享,但就.................

    回覆刪除
    回覆
    1. 未結婚前都有一個人去旅行,但係結咗婚之後依賴慣,所以今次有小小擔心。

      刪除
    2. 我都係咁話, 依賴慣咗, 自己既膽識都弱咗, 我都好似無以前咁勇 >_<

      刪除
    3. 以前旅行好多時一個人瞓一間房都唔驚,而家靜少少都覺得唔自在。

      刪除
    4. 在家我好enjoy一個人嘅時候,但去旅行就唔會諗個人遊,一來怕獨處酒店,二來冇力拎行李。仲有最近愛上自駕遊,一定要有司機先得XD

      刪除
    5. 一旦自駕遊之後真係好難返轉頭, 所以今次自己去既地方唔會好麻煩, 盡量唔駛轉咁多次車.

      刪除
    6. 我下個月都去東北,依家度火車同新幹線度到頭都大了 ><

      刪除
    7. 東北唔揸,係琦玉開始揸兩日。

      刪除
    8. 我既東北大部分翻版蜻蜓,自己唔駛點諗 :))

      刪除
    9. 過咗5月個trip, 都要參考你地既東北線 ^^

      刪除
    10. 東北交通唔複雜喇,係度邊幾日要用pass會抵啲!

      刪除
    11. 我會買5日pass用盡佢。

      刪除
  6. 擔心去完呢次返嚟會上左癮,下次開始次次都係一個人去呀?

    回覆刪除
    回覆
    1. 唔會既,我坐慣自駕,自己又唔識揸車,一定要同人去,今次因為有事所以至一個人去咋。

      刪除
    2. 一個人去旅行是會上癮的!!! >:)

      刪除
    3. 我諗我唔會上癮既,因為始終鍾意揸車方便啲 :))

      刪除
    4. 自駕真係爽上癮架, 哈哈哈

      刪除
    5. 最正係唔駛就時間。

      刪除
    6. 我中左自駕遊既毒,無藥可解此毒喇。

      刪除
    7. 師公直情勁呀, 去邊都自駕.

      刪除
    8. 對呀, 無咗日本自駕呢條線, 都無地方難到1733兄

      刪除
    9. 師公左右軚都得,根本眼中冇揸唔到既車 :D

      刪除
    10. 去外國想自駕,最近要係肯踏出第一步開左軚,然後就小心駕駛就無問題。

      刪除
    11. 最慘係用盡多多借口來拒踏果第一步, 所以除日本外, 我係邊處都唔駛去 >_<

      刪除
    12. 去英國啦!英國係右軚車噃。

      刪除
    13. 係喎, 都可以諗諗佢, 不過以歐洲國家來說, 英國就興趣不大

      刪除
    14. 師公, 我連喺左軚車地方過馬路都分唔清楚方向, 所以要我喺左軚車指轉左轉右一定會點到氹氹轉 :P

      刪除
    15. Mandy, 同你相反, 歐洲國家來說我最鍾情英國, 可能因為有親切感.

      刪除
    16. Mandy,咁去澳洲和紐西蘭自駕啱你掛?

      刪除
    17. Nerissa,咁怪唔知得近年你都係去日本多d啦!

      刪除
    18. 好似台灣咁, 佢地既交通已經係亂籠, 加上仲成日認錯車行既方向, 所以喺台灣我係勁怕過馬路,

      刪除
    19. 台灣雖然是我在外國開車的次數中最多既地方,但亦係開車最危險既地方。原因是他們有部份人開車是不守法。
      我經常跟人說,在台灣開車仲危險過在大陸開車,原因是大家預左在大陸開車會危險,但無諗過在台灣都係咁囉。

      刪除
    20. 師公, 台灣人開機車仲犀利, 有時行喺行人路都突然有架機車駛過.
      唔記得我有冇講過, 好多年前喺台中包的士去日月潭, 我老公一路坐一路驚, 佢話個司機成日空波落斜好危險.
      另一次坐公車行橫貫公路, 個司機一隻腳冇著鞋因為紮住紗布揸車.

      刪除
    21. 在台灣開車,首要留意既交通工具就是機車喇!在Youtube上見到台灣既交通意外,形形種種,但以機車的出事率最高。
      落斜路用空波?唉!我都唔想評論喇!
      197X年第一次旅遊就係去台灣,當時係自由行。記得由花蓮坐公車經東西橫貫公路去台中,真係坐到pat pat痛又心驚呀!

      刪除
    22. 台灣坐的士真係無奇不有, 我試過坐著架傷殘人士個手車, 吃驚風散都保唔番;
      另外一次個司機就邊吃午飯邊揸車

      刪除
    23. 其實歸根究底就是開車人既駕駛態度最重要。

      刪除
    24. 我成日覺得打牌有牌品,揸車要有車品,有啲人揸車既態度真係不敢恭維。

      刪除
  7. 我唔可以自己去o架,會迷路、應變又差,又冇人幫手拎行李,諗起就驚 ~ :P

    回覆刪除
    回覆
    1. 前嗰兩樣我都應付到,行李可以慢慢拉,最驚就係一個人住酒店 ^__^

      刪除
    2. 去到得你自己一個, 所有唔得都變得, 你試一次就知架喇 >:)

      刪除
    3. 我都知道一個人好多野都要頂硬上,就試試今次會如何?我都係正面既 :)

      刪除
    4. 一個人住酒店都無乜野好驚。驚就拎ipad, laptop去lobby坐,坐到眼瞓先返上房。

      通常食完飯鳩嗚完都9pm,有時要等洗衫等乾,又CHECK第二日行程天気,都十二點,無時間驚啦。

      刪除
    5. 一個人去旅行最好買返張日本上網咭,安全啲。

      刪除
    6. 自己一個行市區唔會驚,係最怕要撘車轉車果o的,交通我好弱,車站又搵唔到,miss o左班車仲死,有o的要車駁車o架嘛,miss o左就邊度都唔洗去,我會唔知點算的 ! ~X(

      刪除
    7. CK鼠, 我去你度搵唔番你去小芥子篇 post, 可唔可以俾條 link 我?

      刪除
    8. コーさん, 一個人衫唔會洗咯, 等返香港時一次過攞去磅洗 ::cc9003

      刪除
    9. 小芥子 ~ http://ckfamily-travel.blogspot.hk/2013/02/2012-day-5-part_22.html

      刪除
    10. コーさん, 搞到12點未仲得人驚...

      刪除
    11. 嘻嘻,所以今次訂既酒店有咁細間得咁細間,務求一眼見晒 :P

      刪除
    12. single room你想住千呎咩,哈哈!唔駛落lobby啩,喺房開晒燈同電視都唔驚啦!

      刪除
    13. 我試過喺台灣自己一間房,一開電視做緊殭屍片,熄都熄唔切 :))

      刪除
    14. 哈哈, 真係唔好開電視呀, 半夢半醒睇到X片真係會嚇到半死 XD
      我試過有次在西班牙果部電視竟然聽到廣東話廣告呀~~

      刪除
    15. 鬼整佢一陣好似香港啲電視咁十一點後成日播鬼片廣告 ^^

      刪除
  8. 我次次都係一個人去旅行﹐係有時有D悶﹐不過好FREE

    回覆刪除
    回覆
    1. 無試過,感受唔到。一向都係我負責plan同帶路,但試過途中唔舒服,先知自己都有要人幫嘅時候。

      刪除
    2. 我都感受過那種 free 既感覺,一個人可以自把自為,有其他人就要互相遷就,就算一家人都會有爭拗,有時夾喺中間都好難做。
      輝哥我都係負責 plan 同揾路,有時揾唔到都會俾人"啫"架,嗰時真係覺得"你做o下吖!"

      刪除
    3. 我都係做 plan 同揾路果個, 有其他人就最麻煩, 要就人真係不爽!

      刪除
    4. 即使我地三條友都有拗撬,如果其他唔係太熟既話要一齊,我都會婉轉啲拒絕。

      刪除
    5. 咁我唔同你飛喇,哈哈!

      刪除
    6. 唔係噃,三條友我係最順得人嗰個 :D

      刪除
    7. me 2, 不過事後會變谷氣河豚 XDD

      刪除
    8. 最經典一次係喺釧路個女同老豆有拗撬,結果喺間舖頭叫晒成枱野食,個女顧住喊,連我都谷到喊埋,結果嗰餐食咗乜都完全冇晒印象 :(

      刪除
    9. 咁我都係要同你地飛,你地拗嘅時候我負責食,哈哈,成枱野我食晒!

      刪除
    10. 蜻蜓, 分一杯羹好喎 :P

      刪除
    11. 哈哈, 點解你地唔係安慰我咩!

      刪除
    12. 食完你地仲拗緊都會出聲嘅,火上加油咁囉,哈哈!

      刪除
    13. 再加啲鹽加啲醋好喎 >:)

      刪除
  9. 我都格緊價,睇下join唔join家姐一家四口去東京。但一個人選擇真係有限,package價惠通常要二人同行。

    回覆刪除
    回覆
    1. JAL 同 ANA 都有一人價錢,我都想 join package 乾手淨腳唔駛諗咁多,但係我既日數好 "new lung"要加錢感覺唔係太抵,所以而家都係諗緊廉航,好彩我有個專家做 advisor :D

      刪除
    2. 七一飛? 講唔講得大概幾錢?

      刪除
    3. 幾號去? 26號前我都喺東京.

      刪除
    4. 26號夜晚差唔多九點到成田呀。你嗰日走?

      刪除
    5. 26號成田,仲要早機走,你搭下午機,應該係JW304,我坐班機返黎你飛走。

      刪除
    6. 噢....緣慳了。東京有無著數呀、熱點呀記住講嚟聽下喎。

      刪除
    7. 哈哈,我落機你上機,等我"裝裝"見唔見你喺候機室同你 say 個 "Hi"先 :)

      刪除
  10. 轉眼間, 2015又走了一季, 六月中去東京會唔會好熱?

    回覆刪除
    回覆
    1. 舊年都係六月去東京又唔係太熱,同埋會有幾日去東北,嗰度唔係好熱。
      t 先生今年會去邊?

      刪除
    2. 本來六月去英國, 不過都取消

      刪除
    3. 六月英國天氣超靚,下次再去囉。

      刪除
    4. 難怪689唔係上京就係去英國啦 :D

      刪除
    5. 俾我都唔上京啦,佢上京俾人"省"

      刪除
  11. 83喇,衝夠100先post下一篇啦!

    回覆刪除
    回覆
    1. 哈哈, 我係咪應該玩匿名自問自答呢? :))

      刪除
    2. 嘻嘻, 加油唔係我嘛, 要搵人做媒架 >:)

      刪除
    3. 多謝幫忙提高收視率 :)

      刪除
    4. 我一句說話都多咗唔少,查實我就係媒嚟架.....=))

      刪除
    5. 係喇,3J家庭一個謎面已經多十幾個。

      刪除
  12. 咁啱,我遲D都會一個人出走,不過暫時賣個關子先:))

    回覆刪除
    回覆
    1. 啱啱先响英國返,再去都應該係明年阿仔畢業時,但就肯定唔會係一個人去囉:))

      刪除
    2. 快過你,我宜家打緊篇英法簡報,出咗之後便會揭盅,等多陣

      刪除
    3. 3J 家庭, 好心急呀, 擔凳仔霸頭位先 :)

      刪除
    4. 強國走番水貨黎香港 =))

      刪除